گول بيتدي قاردان
هجران قوتاردي ،گول بيتدي قاردان
قورتولدي يوسف ،آلچاق بازاردان
باغريمداحسرت ،قلبيمده توفان
قوينومدا نيسگيل ،ايز قالدي ياردان
عاقليم باشيمدان ، باش آلدي گئتدي
آشدي خياليم ،تورپاق ديواردان
سئوداساچيلدي ،آي پرده سيندن
كونلوم آچيلدي ،ايتمز آچاردان
عقليم غنيمدير ، يوخسا منيمدير
بيرپاي گؤروشمك ايلقارلي ياردان
دونياني ساتديم سئودايولوندا
بيرغنچه اومدوم،سولماز باهاردان
قوينومدا ياردان مين بير سحروار
قورتارساباغريم ،ظلمتلي داردان
مبداءِ ديرآخير مقصد بو يولدا
قوي دويغو دامسين چيلغين داماردان

گؤركم
آخشامين توشگون چاغيدير
گونش ،ياشيل باخيش كيمي
اوزچئويرير
اوزاق دوشموش آرزيلارين گؤركمي تك
ياغيش ياغير
اوشاقليقلار تنگه سيندن
ديله گلير
اونو دولموش ماهني سسي
"كوچه لره سو سپميشم
يارگلنده توز اولماسين "
ياغيش ياغير

گيزلين ماهني
ياهالميش توشگولر قلبيمده گيزلين ماهني چالماقدا
گينه گيزلين هــاوا چالماقدادير قلبيم ، ياهالماقدا
گينه اولدوزلانير گؤيلر ، بولوت تسلين دانير گؤيلر
باخيشلار قول كيمي آلقيش دئييب عشقه اوزالماقدا
مارال رؤيا سينه قونموش درين سئودالي گؤللرده
گينه ال چاتميان خولاردا كؤنلوم لانه سالماقدا
مني يالنيز اؤتورمه عرصه ي دونيايه سئوداسيز
زمان كئچميشلره كوچمكده دير ، دونيا قوجالماقدا

ايتگين يوخو
ياواش – ياواش باغلانيردي
گؤزلرينين آتوشگه سي منه ساري
باخيشلارين ديواريندا
چاتلاق داليجان گزيرديم
اوشويه ركن
سئودا قوردوقو كورسوده بوزو اريدي بير دننن
اووق – اووق اورگيمين
گينه دونيا گولو مسه ندي
ايستيرديم كي اوره گيمي اله نيب
خيابان دا كؤز يئرينه
آداملارا پايليا – پايليا ،گله م
□
گلديم دومانلي يوللاردان
گيزلين – گيزلين يوخولارين قاپي سين آچديم
سوروشدوم
ايتگين يوخو
گيزلين يوخو گؤر دوم
گلديم
زمان كوركونه بورونموش
توزا قويلانميش آرزيلار
گونده ليك لر تاقچا سيندا
اونودولموش ماهني كيمي بئجرديلر
بورودولر وارليغيمي
مصلحت لر آياغينا ايليشه ر كن
دويدوم هله ياشاييشدان پاييم واردير
هله وارام
دويدوم دار دؤنيادا منه
يئروار
گئنيش اور كلرده
سني بولماق باخيشلا
اولماق اولماماق يوردونون حسرت اودلو بوجاغيندا
گيزله نن اؤزومو تاپديم
سن سيز اوزون گئجه لري
اولدوزلارين مينجيقيلان
شعر اتاغين بزه دير
آرزيلاريم
يورغون كؤنلوم تومارلاندي
دويغو لارين ماهني سيلان
عشق ايسي دونياني آلدي